პოლიტიკა

პოლიტიკური საბჭო შეცდა, როდესაც ქუთაისსა და მარტვილში მეორე ტურზე ბრძოლა დათმო - სალომე სამადაშვილი

პარტია „ნაციონალური მოძრაობის“ წევრი სალომე სამადაშავილი მიიჩნევს, რომ პარტიის პოლიტიკური საბჭო შეცდა, როდესაც მიიღო გადაწყვეტილება ქუთაისსა და მარტვილში არჩევნების მეორე ტურში არ მიიღოს მონაწილეობა.

როგორც სამადაშვილმა Facebook-ის პირად გვერდზე დაწერა, ეს ხელიდან გაშვებული პოლიტიკური შესაძლებლობაა.

„ვფიქრობ, ენმ-ის პოლიტიკური საბჭო შეცდა, როდესაც დღეს ქუთაისსა და მარტვილში მეორე ტურზე, თუნდაც უსამართლო პირობებში, ბრძოლა დათმო. სამწუხაროდ, მე უმცირესობაში აღმოვჩნდი. პარტიის მთელი რესურსი უნდა მიგვემართა მეორე ტურზე. გაყალბების ლუსტრაციასაც უკეთ მოვახდენდით. ხელიდან გაშვებული პოლიტიკური შესაძლებლობაა. პარტიის ინტერესებიდან გამომდინარე, იმედია, უმრავლესობის პოზიცია სწორი აღმოჩნდება, რასაც მხოლოდ მომავალი გვაჩვენებს“,- დაწერა სალომე სამადაშვილმა.

გუშინ, დაახლოებით 5-საათიანი მსჯელობის შემდეგ, „ნაცინალური მოძრაობის“ პოლიტიკურმა საბჭომ მიიღო გადაწყვეტილება, რომ ადგილობრივი არჩევნების მეორე ტურში მონაწილეობა არ მიიღოს.

მონიკა დავლიანიძე