პოლიტიკა

პირველიდან მეორე ტურამდე რაც ვიხილეთ, ალბათ, მსოფლიო სახელმძღვანელოებში შევა - გიორგი ვაშაძე

„ის, რაც პირველიდან მეორე ტურამდე ვიხილეთ, ალბათ, მსოფლიო სახელმძღვანელოებში შევა“, - ამის შესახებ გაერთიანული ოპოზიციის საპრეზიდენტო კანდიდატის, გრიგოლ ვაშაძის საარჩევნო შტაბის ხელმძღვანელმა გიორგი ვაშაძემ ხმის მიცემის შემდეგ განაცხადა.

ვაშაძემ მოქალაქეებს მოუწოდებს, არჩევნებზე მივიდნენ და დააფიქსირონ თავიანთი არჩევანი.

„მე ვფიქრობ, რომ საქართველომ დღეს უნდა აირჩიოს სრულიად ახალი მომავალი. განვითარება უნდა დავიწყოთ ახალი ფურცლიდან. უნდა დავიწყოთ ყველაფერი ისე, რომ ხელისუფლება ზრუნავდეს ხალხზე და არ იყოს ის, რაც დღეს ხდება ქვეყანაში.

რაც შეეხება საარჩევნო მდგომარეობას, პირველიდან მეორე ტურამდე რაც ვიხილეთ, ალბათ, მსოფლიო სახელმძღვანელოებში შევა. ეს იყო წინასაარჩევნო პროცესის უდიერად მოპყრობა კანონთან, რაც ვიხილეთ ჩვენი ოპონენტებისგან, მაგრამ ჩვენ მშვიდად, წყნარად მივედით მეორე ტურამდე.

მოვუწოდებ ამომრჩევლებს, მოდით არჩევნებზე, მიიღეთ მონაწილეობა. თქვენი ბიულეტენი წყვეტს, როგორ საქართველოში ვიცხოვრებთ. მე იმედი მაქვს, რომ ყველანი მოხვალთ და მაქსიმალურად მიიღებთ მონაწილეობას“, - განაცხადა ვაშაძემ.