პოლიტიკა

„პირველ არხზე“ მუშაობის დროს პატრიარქის წინააღმდეგ გადაცემების მომზადება დამავალეს - ირმა ინაშვილი

„პატრიოტთა ალიანსის“ ლიდერის, ირმა ინაშვილის განცხადებით, „პირველ არხზე“ მუშაობის დროს მას დაევალა პატრიარქის საწინააღმდეგო გადაცემების მომზადება.

როგორც მან ინგა გრიგოლიას გადაცემა „რეაქციაში“ თქვა, მაშინდელმა ხელისუფლების წარმომადგენელმა გიგა ბოკერიამ ამის შესახებ ჟურნალისტებს სპეციალურ თათბირზე აცნობა.

„მე ვიყავი „პირველ არხზე“ ჟურნალისტი, რომელიც დაიბარეს თათბირზე და ჟურნალისტებს პირდაპირ დაგვავალეს პატრიარქის წინააღმდეგ გადაცემების მომზადება. წამყვანი გადაცემების წამყვანი ხელმძღვანელები ვიყავით ამ თათბირზე. ჩვენ უარი ვთქვით დავალების შესრულებაზე და გავასაჯაროვეთ ეს ინფორმაცია.

ეკლესიის დისკრედიტაციის პროცესს „ვარდების რევოლუციის“ შემდეგ ჩაეყარა საფუძველი. როდესაც ბოროტების მარცვალს დათესავ, ის რომ გაღვივდეს, დრო სჭირდება, და „ნაციონალური მოძრაობა“ იმდენ ბოროტების მარცვალს თესავდა , რომ ამის შედეგს დღემდე ვიმკით“, - განაცხადა ინაშვილმა გადაცემა „რეაქციის“ ეთერში.