სამართალი

პირდაპირ მითხრეს, ეს იმის გამო ხდება, რომ მე რუსთავი2-ს ვაფინანსებ - „სალვუს დეველოპმენტის“ მფლობელი

სამშენებლო კომპანია „სალვუს დეველოპმენტის“ მფლობელი გიორგი სოზაშვილი, გვიან ღამით, პოლიციაში იმყოფებოდა.

როგორც სოზაშვილის ადვოკატმა მარინე ცუცქირიძემ ჟურნალისტებს განუცხადა, სოზაშვილს ნარკოლოგიური შემოწმება ჩაუტარდა და გამომდინარე იქიდან,რომ „ვერაფერი ხელჩასაჭიდი ვერ აღმოაჩინეს“ ბიზნესმენი არც დაუკითხავთ და გაუშვეს სახლში.

თავად გიორგი სოზაშვილი პოლიციაში დაბარებას მისი კომპანიის მიერ „რუსთავი2“-ში განთავსებულ რეკლამას უკავშირებს.

მისი თქმით, თებერვალში მის კომპანიაში საგადასახადო ინსპექცია შევიდა, რის შემდეგაც მას ღიად მიანიშნეს, რომ ტელეკომპანიასთან ურთიერთობა შეეწყვიტა და „რუსთავი 2“-ში რეკლამა აღარ განეთავსებინა.

„მიმდინარე წლის თებერვალში შემოვიდა საგადასახადო ინსპექცია, თითქოს გეგმიური შემოწმების მიზეზით. მერე დამირეკეს და მითხრეს, რომ მე იმიტომ მიკეთებენ ამას, რომ „რუსთავი2“-ს ვაფინანსებს, იმიტომ რომ ძალიან მსხვილი რეკლამა გვქონდა შეკვეთილი „რუსთავი2“-ზე. პირდაპირ მითხრეს, რომ ეს ამის გამო ხდება. ძალიან ვთხოვ ყველას რა, რომ ბიზნეს გვაცადეთ თავისუფლად საქმის კეთება. ყველაფერს ზუსტად ამას ვუკავშირებ, იმიტომ რომ ასეთი რამეები არ ხდებოდა ჩვენს ირგვლივ“,-აღნიშნა სოზაშვილმა.

მონიკა დავლიანიძე