პოლიტიკა

პირადობის მოწმობები, რომელიც “ნაციონალურმა მოძრაობამ“ გაავრცელა, ჯერ კიდევ მათი ხელისუფლების დროსაა ბაზებიდან ამოღებული - ზვიად კვაჭანტირაძე

“ქართული ოცნების“ დეპუტატის ზვიად კვაჭანტირაძის ინფორმაციით, პირადობის მოწმობები, რომელიც “ნაციონალურმა მოძრაობამ“ გაავრცელა, დადასტურებით გარდაცვლილებს ეკუთვნით და ისინი ჯერ კიდევ მათი ხელისუფლების დროსაა ბაზებიდან ამოღებული.

როგორც კვაჭანტირაძე ფეისბუქის პირად გვერდზე წერს, მორიგი სიცრუე და ტყუილია ნაციონალური მოძრაობის ბრალდება ე.წ. ყალბ პირადობებთან დაკავშირებით, რომელიც აქციაზე გრიგოლ ვაშაძემ გააჟღერა.

,,პირადობის მოწმობები, რომელიც ნაციონალურმა მოძრაობამ გაავრცელა, დადასტურებით გარდაცვლილებს ეკუთვნით და ისინი ჯერ კიდევ მათ ხელისუფლების დროსაა ამოღებული ბაზებიდან ! ოპონენტები გარდაცვილი ადამიანების პირადობებით ცდილობენ, არჩევნების გაყალბების ილუზია შექმნან. ნაციონალური მოძრაობა არჩევნების შემდეგაც აგრძელებს ჩვეულ ტაქტიკას და ხელისუფლებაზე იმის გადმობრალებას, რასაც წლების განმავლობაში თავად სჩადიოდნენ.

არჩევნების ლეგიტიმურობასთან დაკავშირებით, სააკაშვილისა და ნაციონალური მოძრაობის გარდა, არავის, არანაირი კითხვის ნიშანი არ აქვს და იაფფასიანი ტყუილები შეუძლიათ შიდა მოხმარებისთვის დაიტოვონ“, - წერს ზვიად კვაჭანტირაძე ფეისბუქის პირად გვერდზე.