პოლიტიკა

პეტრო პოროშენკო ფარულად შეხვდა ივანიშვილს და მათი შეხვედრა თითქმის მთლიანად მე მეძღვნებოდა - მიხეილ სააკაშვილი

საქართველოს ყოფილი პრეზიდენტისა და ოდესის ყოფილი გუბერნატორის მიხეილ სააკაშვილის განცხადებით, უკრაინის პრეზიდენტი პეტრო პოროშენკო საქართველოში ვიზიტის დროს საქართველოს ყოფილ პრემიერ-მინისტრ ბიძინა ივანიშვილს შეხვდა. ექს-პრეზიდენტის ინფორმაციით, ისინი მის საქართველოში სავარუდო ექსტრადირებას განიხილავდნენ.

„ჩემი მონაცემებით, პოროშენკო სპეციალურად ჩავიდა ბათუმში თბილისური ვიზიტის შემდეგ, რათა იმსჯელოს ამ საკითხზე [სააკაშვილის ექსტრადირება] საქართველოს მთავრობის ფაქტორბივ მმართველთან ივანიშვილთან, ურეკის რეზიდენციაში ბათუმთან. მათი ფარული შეხვედრა 2 საათზე მეტხანს გაგრძელდა და თითქმის მთლიანად მე მეძღვნებოდა.

ივანიშვილი 100%-ით რუსული პროექტია და ის რუსული გაზპრომის უმსხვილესი კერძო აქციონერია. პირდაპირ კავშირი დაამყარა ორმა ოლიგარქმა-მილიარდერმა, ქვეყნის მმართველმა, უფულო და თანამდებობის გარეშე მყოფი ადამიანის, ანუ, ჩემ წინააღმდეგ.

სამწუხაროდ, ფაქტის კონსტატირება უნდა მოვახდინო, რომ პოროშენკო აღნიშნულ სიტუაციაში იქცევა არა როგორც პრეზიდენტი და კონსტიტუციის გარანტი, არამედ როგორც სულების გამყიდველი.

ამავდროულად, ახმეტოვის რესურსების ჩართვით, მისმა არხმა გასაშვებად იყიდა ჩემზე გადაღებული ფილმი, რომელიც ივანიშვილის დაკვეთით გადაიღეს გაზპრომის ფულით, ხოლო მისი „ჯიბის“ ოპოზიციონერი ლიაშკო იმაზე დაიწყო ხმამაღლა ყვირილი, რომ გასაძევებელი ვარ უკრაინიდან (https://www.facebook.com/O.Liashko/posts/1380721125329814?pnref=story ).

რაზეც არ უნდა შეთანხმებულიყვნენ, რა ნაბიჯებიც არ უნდა გადადგან, მე უფრო აქტიურად შევებრძოლები უკრაინისა და საქართველოს გასათავისუფლებლად ყველა სახის ოლიგარქებისა და მათი მოსამსახურეებისაგან, რომლებიც ხალხს არ აძლევენ საშუალებას, ნორმალურად იცხოვროს“, - დაწერა სააკაშვილმა ფეისბუკის საკუთარ გვერდზე.

ანა მებურიშვილი