პოლიტიკა

,,პატრიოტთა ალიანსმა’’ საკონსტიტუციო კომისია დატოვა

,,პატრიოტთა ალიანსმა’’ საკონსტიტუციო კომისიის დატოვების გადაწყვეტილება მიიღო.

კომისიიდან გასვლის შესახებ განცხადება პარტიის ერ-ერთმა ლიდერმა ირმა ინაშვილმა გააკეთა.

მისი თქმით, ,,პატრიოტთა ალიანსის’’ წევრები არ აპირებენ „გაათეთრონ“ ქართული ოცნების მიერ შემუშავებული დოკუმენტი.

ინაშვილის განცხადებით, ქვეყნის მთავარ კანონში შედის ცვლილებები, რომელიც ხელისუფლების უზურპაციას ახდენს.

მისივე თქმით, პარტიაში პროტესტის სხვადასხვა ფორმებს განიხილავენ, მათ შორის შიმშილობასაც.

ამასთან, როგორც ინაშვილმა ბრიფინგზე აღნიშნა, ისინი უერთდებიან საკოორდინაციო საბჭოს მიერ გამოხატულ ბოიკოტს.

საკოორდინაციო საბჭოს 15 წევრი პარტიიდან საკონსტიტუციო კომისიაში ჩართული იყო 5 პარტია. სამუშაო ფორმატი გუშინ დატოვა „დემოკრატიულმა მოძრაობამ“.

15 კვალიფიციურმა პარტიამ საკონსტიტუციო ცვლილებებთან დაკავშირებით საკუთარი პოზიცია რამდენიმე კვირის წინ დააფიქსირა და მათი შენიშვნები უკავშირდებოდა პრეზიდენტის არჩევის არაპირდაპირ წესსა და პარლამენტის საარჩევნო სისტემას.

ნინო ექვთიმიშვილი