პოლიტიკა

`პატრიოტთა ალიანსის` დელეგაცია მოსკოვში მიემგზავრება

"პატრიოტთა ალიანსის" სამკაციანი დელეგაცია რუსეთის დედაქალაქში მიემგზავრება. ეს იქნება პარტიის წარმომადგენლების მესამე ოფიციალური ვიზიტი მოსკოვში.

დელეგაციის შემადგენლობა უცვლელია - ადა მარშანია, გიორგი ლომია და ნატო ჩხეიძე.

როგორც ,,პატრიოტთა ალიანსში“ აცხადებენ, დაგეგმილია შეხვედრები სახელმწიფო დუმასა და ფედერაციის საბჭოში. განხილვის მთავარ თემად ქვეყნებს შორის ურთიერთობა და ოკუპირებულ ტერიტორიებზე არსებული ვითარება სახელდება.

ოპოზიციურ პარტიაში ამბობენ, რომ ქვეყნისთვის პრიორიტეტი არა იზოლაციის გამოცხადება, არამედ საქართველოს გამთლიანებისთვის მოქმედებაა საჭირო.

"რუსეთის მხარე უნდა დაგვეხმაროს ტატუნაშვილის საქმის გამოძიებაში. უნდა ესმოდეთ, რომ ამ ფაქტის გამოძიება იქნება სასარგებლო ყველა მხარისთვის,"-აცხადებს ადა მარშანია.