პოლიტიკა

,,პატრიოტთა ალიანსი’’ შიმშილობის დაწყებას არ გამორიცხავს

თუკი მმართველი გუნდი საკონსტიტუციო კომისიაში მათ მიერ გამოთქმულ შენიშვნებს არ გაითვალისწინებს, „პატრიოტთა ალიანსი“ შიმშილობის დაწყებასაც არ გამორიცხავს.

შესაბამისი განცხადება ფრაქცია ,,საქართველოს პატრიოტების’’ წევრმა, ადა მარშანიამ გააკეთა.

„უაღრესად საპასუხისმგებლო და მნიშვნელოვანია კონსტიტუციაზე მუშაობა. ვხედავთ, რომ მმართველ პარტიას და ძალას ეს ნაკლებად ესმის. მივმართავთ პროტესტის ყველანაირ ფორმას იმისთვის, რომ საქართველოს ჰქონდეს საქართველოს სახელმწიფო კონსტიტუცია და არა „ქართული ოცნების“ კონსტიტუცია. უფრო მეტი პასუხსიმგებლობით უნდა მოვეკიდოთ ამ საკითხს. თუ დავინახეთ, რომ ადამიანური საუბარი არ ჭრის ამ გამოჩენილ პოლიტიკურ ძალასთან, მაშინ პროტესტის სხვა ფორმებს შეიძლება მივმართოთ, მათ შორის შიმშილობასაც,“ - განაცხადა ადა მარშანიამ.

ნინო ექვთიმიშვილი