პოლიტიკა

პასუხისმგებლობას ვერც პარლამენტის თავმჯდომარე, ვერც პრემიერ-მინისტრი ვერ გაექცევა - არმაზ ახვლედიანი

„ქართული ოცნების“ ყოფილი გენერალური მდივნის, არმაზ ახვლედიანის განცხადებით, იმ მდგომარეობაზე, რომელიც საკონსტიტუციო ცვლილელებთან დაკავშირებით შეიქმნა პასუხისმეგბლობას ვერც პარლამენტის თავმჯდომარე, ვერც პრემიერ-მინისტრი და ვერც პარტიის გენერალური მდივანი ვერ გაექცევიან.

ამის შესახებ ახვლედიანმა „ტვ პირველის“ ეთერში განაცხადა.

„პასუხისმგებლობას ვერც პარლამენტის თავმჯდომარე, ვერც პრემიერ-მინისტრი, ვერც პარტიის გენერალური მდივანი და ვერც სხვა, ვისაც მიაჩნია, რომ დღეს გადაწყვეტილების მიმღებთა შორის არის, ვერ გაექცევა. არ მინდა სახელებით დავამძიმო თქვენი ეთერი. ყველამ იცის ვინც არიან ეს ბატონები. ამ ბატონების სინდისზეა და მათი პასუხისმგებლობაა სწორედ, რომ ქვეყანა დღეს ამ მდგომარეობაშია. ამ ურთულეს მდგომარეობაში, ამ მორიგ წარუმატებელ ექსპერიმენტში. უკეთესის თქმის შესაძლებლობას „ოცნების“ დღევანდელი შემადგენლობა არ გვაძლევს, თორემ სიხარულით დავუკრავდი ტაშს ყველა წარმატებას, ყველა მიღწევას“,-განაცხადა არმაზ ახვლედიანმა.

მისი თქმით, არსებული საარჩევნო გარემოთი და კანონმდებლობით, ადგილობრივი თვითმმართველობის არჩევნებში საზოგადოების დიდი ნაწილის ნება გათვალისწინებული ვერ იქნება.

პოლიტიკოსის თქმით, ამ არჩევნებში მონაწილეობის მიღებას აზრი არ აქვს.

„დღესვე გეტყვით, რომ ადგილობრივი თვითმმართველობის არჩევნები, რომლის გამართვის თარიღი ჯერჯერობით უცნობია, ჩატარდება ისე, რომ საზოგადოების დიდი ნაწილის ნება არ იქნება გათვალისწინებული. ამ კანონმდებლობით, ამ საარჩევნო გარემოთი, ამ თამაშის წესებით, რაც „ოცნებამ“ დაგვიწესა, დღესვე არის ცნობილი, რომ ამ არჩევნებს აზრი არ აქვს“,-აღნიშნა პოლიტიკოსმა.

მონიკა დავლიანიძ