პოლიტიკა

პასუხისმგებლობა არ აქვთ მარტო პარტიებს და პოლიტიკოსებს, პასუხისმგებლობა აქვს ამომრჩეველს - ირმა ინაშვილი

,,პატრიოტთა ალიანსი“ ერთ-ერთი ლიდერი, ირმა ინაშვილი ხვალინდელ არჩევნებთან დაკავშირებით სოციალურ ქსელში სტატუსს აქვეყნებს.

,,თბილისმაც და მთელმა საქართველომაც 2017 წლის 21 ოქტომბერს საბოლოოდ უნდა დაამტკიცოს, რომ:

1. არავის ენატრება 2004-2012 წლები!

2. არავის ენატრება გიგი უგულავას მერობისა და ბოკერიას უშიშროების საბჭოს თავმჯდომარეობის ეპოქა!

3. არავის უნდა დაბრუნება იმ ჯოჯოხეთში, რაზეც გუშინ "იმედის" ეთერში საუბრობდნენ. ვგულისხმობ პატიმრების წამებას.

4. არავის სჯერა ვაშაძის ინოვაციური ზღაპრების. იმიტომ, რომ "ერთი ფანჯრის" სისტემა, რასაც ბატონი ვაშაძე საკუთარ დამსახურებად მიიწერს, დიდიხანია დანერგილია არადემოკრატიულ ქვეყნებშიც.

კიდევ მრავალი არჩევნები ჩაივლის ამ ბედკრულ ქვეყანაში და ვაშაძეები 10 წლის მერეც ილაპარაკებენ "ერთი ფანჯრის" მიღწევაზე... მაშინ, როდესაც მსოფლიოს უკვე მფრინავი იუსტიციის სახლები ექნება დანერგილი.

5. არავითარი 500 000 ამომრჩეველი ნაცმოძრაობას არ ჰყოლია 2012-ის შემდეგ და არ ჰყავს დღეს. მხარდამჭერთა ეს სიმწირე ჩანს მათ მიერ ორგანიზებულ აქციებზეც. ბოკერიას ხომ საერთოდ.

6. ქართველმა ხალხმა უნდა დაამტკიცოს, რომ არ უპატიებია ბოკერიებისა და კოხტა კოდუებისთვის კაცთა კვლა, წამება, გაუპატიურება, წართმევა, დაჩაგვრა, ღირსების გათელვა.

7. გვახსოვდეს: პასუხისმგებლობა არა აქვთ მარტო პარტიებს და პოლიტიკოსებს. პასუხისმგებლობა აქვს ამომრჩეველს... და დიდი იმედი მაქვს, რომ თქვენი ხმები მოვა ჩვენთან, თქვენი მხარდაჭერა მოვა ჩვენთან და არა წინა რეჟიმის პოლიტიკურ ჯგუფებთან და კანდიდატებთან, დღეს ძალიან რომ ჰგვანან სტერილურ კრავებს. გეშინოდეთ ამ ხალხის, იცოდეთ: თუ დაბრუნების შანსს მისცემთ, გადაგვივლიან! მერე გვიან იქნება სინანული, რომ შეცდით. ეს სინანული ვეღარც ქვეყანას უშველის და ვერც ქართველ ხალხს“, - წერს ინაშვილი.