პოლიტიკა

პარლამენტში სალომე ზურაბიშვილის სავარაუდო შემცვლელად ჯაბა ჯიშკარიანი სახელდება

საქართველოს პრეზიდენტს, სალომე ზურაბიშვილს სადეპუტატო უფლებამოსილება შეუწყდა. მთაწმინდის ოლქში კი, შუალედური არჩევნები აპრილის ბოლოს უნდა გაიმართოს.

ერთ-ერთი ვერსიით, სავარაუდო კანდიდატად ჯაბა ჯიშკარიანი განიხილება.

„მგონია, რომ აუცილებლად უნდა იყოს ჩვენი გუნდის წარმომადგენელი, ცნობადი სახე იქნება თუ სხვა ნიშნებით გამორჩეული, მთლიანობაში უნდა ემსახურებოდეს ერთ მთავარ მიზანს, რაც შეიძლება მეტი კომპეტენცია ჰქონდეს თავის საკითხებში და რაც შეიძლება ერთგული იყოს თავისი ქვეყნის და თუნდაც, თავისი რაიონის. რატომაც არა, ჯაბა ჯიშკარიანიც,“- განაცხადა გია ვოლსკიმ.

როგორც უმრავლესობის კიდევ ერთმა წევრმა, ნუკრი ქანთარიამ აღნიშნა, კანდიდატს საბოლოოდ კონსულტაციების შემდეგ დაასახელებენ.

„მე მგონი, მივიღებთ მონაწილეობას, მაგრამ ახლა დანარჩენზე საუბარი, არის მჩხიბაობა და მკითხაობა. ასე, რომ მე ამ საქმეში არ ვმონაწილეობ ხოლმე. ვნახოთ, მოვა დრო და ალბათ, შევჯერდებით კანდიდატზეც და იმაზეც, თუ რა ფორმით მივიღოთ მონაწილეობა,“- განაცხადა ნუკრი ქანთარიამ.