პოლიტიკა

პარლამენტში გიორგი კვირიკაშვილისთვის, კახა კალაძესთვის და გიორგი გახარიასთვის უფლებამოსილების შეწყვეტაზე იმსჯელებენ

პარლამენტის საპროცედურო საკითხთა კომიტეტში გიორგი კვირიკაშვილისთვის, კახა კალაძესთვის, გიორგი გახარიასთვის და სანდრა რულოვსისთვის საპარლამენტო მანდატის შეწყეტის საკითხსზე იმსჯელებენ.

საკითხი დღის წესრიგში მთავრობის ახალი შემადგენლობისთვის ნდობის გამოცხადების შემდედგ დადგა.

რაც შეეხება სანდრა რულოვს, მან სადეპუტატო მანდატზე უარი თავად განაცხადა.

პარლამენტში, გიორგი კვირიკაშვილის, კახა კალაძეს და გიორგი გახარიას ადგილმონაცვლე „ქართული ოცნების“ საარჩევნო სიაში გუგული მაღრაძე, დავით მათიკაშვილი და გიორგი ხატიძე არიან.

სანდრა რულოვს კი, გიორგი ღვინიაშვილი ჩაანაცვლებს.

როგორც საკითხის კომენტირებისას ჟურნალისტებს იურიდიული კომიტეტის თავმჯდომარემ ეკა ბესელიამ განუცხადა, უფლებამოსილების შეწყვეტა და უფლებამოსილების ცნობა, შესაძლოა, მიმდინარე კვირას მოესწროს.

„თუმცა ამას უფრო საპორცედურო საკითხთა კომიტეტი გვეტყვის. ამ კვირაში ჩვენ ვგეგმავთ, უკვე რიგითი სესიის, ანუ დადგენილი წესით სესიის გამართვას“,-აღნიშნა ბესელიამ.

ადგილმონაცვლეების უფლებამოსილების ცნობის საკითხზე პარლამენტი მას შემდეგ იმსჯელებს, რაც აღნიშნულ დეპუტატებს პარლამენტის წევრის სტატუსი შეუჩერდებათ.

მონიკა დავლიანიძე