პოლიტიკა

პარლამენტში 115 კაცი 27-ს ებრძოლოს არ იქნება ლამაზი - ნუკრი ქანთარია

საპარლამენტო უმრავლესობის წევრის, ნუკრი ქანთარიას განცხადებით, ნაციონალურმა მოძრაობამ პარლამენტის პირველს სესიაზე ქუჩიდან შემორჩენილი რიტორიკის გატარება სცადეს.

ამის შესახებ ქანთარიამ პრესკონფერენციაზე განაცხადა.

„რაც ნაციონალებმა ახალი პარლამენტის შეკრების დროს სცადეს, ეს იყო ჯერ კიდევ ქუჩიდან შემორჩენილი რიტორიკა. საქმე იმაზე სერიოზული გვაქვს საკეთებელი, ვიდრე კინკლაობაა. ის, რომ მე ოსმალეთში ვიბრძოდი, ტანკისტი ვიყავი და რომ სააკაშვილს ვებრძოდი, მსგავსი რიტორიკა ჩვენგან აღარ იქნება. მე ვფიქრობ. რომ ამ ეტაპზე საქმე გვაქვს საკეთებელი, მით უმეტეს, არიან ახალი სახეები, რომლებიც საქმიანად ჩაერთვებიან პარლამენტის მუშაობაში. ის, რომ 115 კაცი 27-ეს ებრძოლოს, არ იქნება ლამაზი, მაგრამ ეს არც იმას ნიშნავს, რომ თუ ვინმეს დანაშაული აქვს ჩადენილი, პროკურატურას დაავიწყდება“,- აღნიშნა უმრავლესობის დეპუტატმა.

მონიკა დავლიანიძე