პოლიტიკა

პარლამენტმა ნაციონალურ მოძრაობის გამოყოფილი ფრაქციები უნდა დაამტკიცოს

პარლამენტის საპროცედურო საკითხთა კომიტეტში, 13 იანვარს საპარლამენტო ფრაქცია „ნაციონალურ მოძრაობაში“ განხორციელებული ცვლილებების შესახებ ორი წერილი შევიდა.

„შემოსულია საპარლამენტო უმცირესობის ლიდერის დავით ბაქრაძის მომართვა საპარლამენტო უმცირესობაში განხორციელებული ცვლილებების თაობაზე“,-აღნიშნა პარლამენტის ბიუროს დღევანდელ სხდომაზე, პარლამენტის თავმჯდომარემ ირაკლი კობახიძემ.

ერთი წერილის ავტორი ნაციონალური მოძრაობიდან გამოყოფილი ჯგუფია, რომელმაც 13 იანვარს ფრაქციას სახელი შეუცვალა და ევროპული საქართველო დაარქვა, ასევე ფრაქციის თავმჯდომარე შეცვალა.

მეორე წერილში ნათქვამია, რომ ფრაქცია „ნაციონალური მოძრაობა-საქართველოს წინსვლისთვის“ ფრაქციასაც შეეცვალა სახელწოდება და მას ამავე წერილის თანახმად, მას „ევროპული საქართველო უკეთესი მომავლისთვის“ ეწოდა, ხოლო თავმჯდომარე არ შეცვლია.

საპროცედურო საკითხთა კომიტეტმა ეს ორი წერილი ცნობად მიიღო, ხოლო შემდეგი პროცედურის თანახმად, პარლამენტმა ახალი ფრაქციები უნდა დაამტკიცოს.

მონიკა დავლიანიძე