პოლიტიკა

პარლამენტმა კონსტიტუციის ახალი რედაქცია დაამტკიცა

საქართველოს კონსტიტუციაში ცვლილებების შეტანის შესახებ კანონპროექტი, პირველადი რედაქციით დამტკიცებულია. პარლამენტმა კანონპროექტი 117 ხმით, 7-ის წინააღმდეგ მიიღო.

დეპუტატებმა დღესვე მიიღეს ,,აჭარის ავტონომიური რესპუბლიკის შესახებ“ საქართველოს კონსტიტუციური კანონის პროექტი პირველადი რედაქციით. ამ შემთხვევაში, კანონპროექტს მხარი 117-მა დეპუტატმა დაუჭირა, წინააღმდეგი კი, 3 აღმოჩნდა.

,,გილოცავთ , საქართველოს კონსტიტუციის ახალი რედაქციის მიღებას. გილოცავთ, აჭარის ავტონომიური რესპუბლიკის შესახებ საქართველოს კონსტიტუციური კანონის ახალი რედაქციის მიღებას. ჩვენ ნამდვილად მივიღეთ ეროვნულ ინტერესებზე აგებული ევროპული ტიპის კონსტიტუცია, რომელიც უზრუველყოფს საქართველოს გრძელვადიან დემოკრატიულ განვითარებას. დიდი მადლობა ერთსულოვნებისთვის, კოლეგებო“, - მიმართა დეპუტატებს პარლამენტის თავჯდომარემ, ირაკლი კობახიძემ კენჭისყრის შემდეგ.

აღსანიშნავია, რომ კენჭისყრის პროცედურაში არ მონაწილეობდნენ ფრაქცია ,,საქართველოს პატრიოტებისა“ და ფრაქცია ,,ნაციონალური მოძრაობის“ წარმომადგენლები.

ნინო ექვთიმიშვილი