სამართალი

პაატა ბურჭულაძის შვილი გამოკითხვაზეა დაბარებული

პაატა ბურჭულაძის შვილი, ალექსანდრე ბურჭულაძე შინაგან საქმეთა სამინისტროში გამოკითხვაზეა დაბარებული.

საქმე ეხება ინტერნეტ-მაღაზია ,,ირისის“ მფლობელების, ალექსანდრე და შუქრი ბურჭულაძეების საქართველოს მთავარ პროკურატურაში 5 თებერვალს შეტანილ განცხადებას, სავარაუდოდ, კიბერდანაშაულთან დაკავშირებით.

ალექსანდრე ბურჭულაძის ადვოკატის, მიხეილ რამიშვილის განცხადებით, უცნობი პირი მისი დაცვის ქვეშ მყოფის ტელეფონში შეღწევას ცდილობდა.

,,მიტანილი იქნება გამოძიებასთან ის მობილური ტელეფონი და ყველა ის მტკიცებულება, რომელიც გარკვეულწილად შემხებლობაშია ამ კიბერნეტიკულ შეტევასთან. ბატონი ალექსანდრე გამოძიებას დეტალურად მიაწოდებს იმ ინფორმაციებს იმ ქმედებების შესახებ, რაც განხორციელდა მისი ტელფონით მისგან დამოუკიდებლად“, - განაცხადა მიხეილ რამიშვილმა.

თავის მხრივ, ალექსანდრე ბურჭულაძე არ გამორიცხავს, რომ შესაძლო კიბერდანაშაული უკავშირდებოდეს მისი მამის საწინააღმდეგო კამპანიას.

,,ერთ-ერთი ვარიანტი შეიძლება იყოს პაატა ბურჭულაძეზე მიზანმიმართული კამპანია. ასევე, შესაძლებელია, რომ ეს უკავშირდებოდეს ჩემს ბიზნეს საქმიანობასაც“, - აცხადებს ალექსაბდრე ბურჭულაძე.

ნინო ექვთიმიშილი