სამართალი

პაატა ბურჭულაძე გამოძიებასთან თანამშრომლობისთვის მზად არის - ადვოკატი

პაატა ბურჭულაძის მთავარ პროკურატურაში მოწმის სტატუსით გამოკითხვაზე დაბარებას მისი ადვოკატი, სოსო ბარათაშვილი ეხმიანება.

,,პაატა ბურჭულაძე მზად არის, გადადოს ყველა კონცერტი, ჩამოვიდეს საქართველოში და გამოძიებასთან ითანამშრომლოს“, - განუცხადა ,,პირველ არხს“ ბურჭულაძის ადვოკატმა, სოსო ბარათაშვილმა.

ადვოკატის თქმით, ესაუბრა ფონდ ,,იავნანას’’ დამფუძნებელს და მისი ინფორმაციით, ბურჭულაძე 13 დეკემბერს მთავარ პროკურატურაში გამოცხადდება.

როგორც სოსო ბარათაშვილი ამბობს, საგამოძიებო მოქმედებების დიდი ნაწილი „იავნანას“ ოფისში უკვე ჩატარებულია, თუმცა გამოძიებას ჯერ არ აქვს ბუღალტრული ექსპერტიზის დასკვნა.

სოსო ბარათაშვილი ამბობს, რომ საქმეში დანაშაულის ნიშნები არ იკვეთება.

გამოძიებას ჩვენება უკვე მისცა ფონდის დირექტორმა, გურამ ახალაიამ. მისი ინფორმაციით, პროკურატურის წარმომადგენლებმა ფონდიდან ფინანსური და სხვა სახლის დოკუმენტაციაც ამოიღეს.