სამართალი

ოთარ ფარცხალაძის ადვოკატი არ გამორიცხავს, რომ ლაშა თორდიამ დაზიანებები თავად მიიყენა

ყოფილი მთავარი პროკურორის, ოთარ ფარცხალაძის ადვოკატი, გაგი მოსიაშვილის არ გამორიცხავს, რომ სახელმწიფო აუდიტის სამსახურის უფროსმა ლაშა თორდიამ დაზიანებები თავად მიიყენა.

„გამორიცხული არაფერია“, - ასე უპასუხა ფარცხალაძის ადვოკატმა გაგი მოსიაშვილმა ჟურნალისტების შესაბამის შეკითხვას.

მისივე თქმით, თავად გამოკითხეს კაფე „ელ ცენტროს“ დაცვის თანამშრომლები, რომელთა თქმითაც, ინციდენტი არ იყო ისეთი მასშტაბის, რომ მასში ჩარეულიყვნენ.

ადვოკატის თქმით, თორდიამ ოთარ ფარცხალაძეს მისალმების ფორმა დაუწუნა.

,,ე.წ. ინციდენტი რამდენიმე წამი გრძელდებოდა. თორდიას არ მოეწონა ოთარ ფარცხალაძის მხრიდან, მისალმების ფორმა და დაიძაბა ვითარება მისი მხრიდან. ეს არ ყოფილა ინციდენტი და ფიზიკური დაპირისპირება’’, - განაცხადა გაგი მოსიაშვილმა.