პოლიტიკა

ორი 18-სართულიანი კორპუსი რაგბის მოედნის მაგივრად - ენმ პროკურატურისგან ტერიტორიის გასხვისების საკითხი შეისწავლოს ითხოვს

„ერთიანი ნაციონალური მოძრაობის“ წარმომადგენელმა ლილე ლიპარტელიანმა პროკურატურას განცხადებით მიმართა, რომ უწყებამ ნუცუბიძის 51 -ში მდებარე რაგბის სტადიონის განთავსებისთვის გამოყოფილი ადგილის გასხვისების საკითხი შეისწავლოს.

ლიპარტელიანის თქმით, რაგბის სტადიონის მაგივრად ადგილზე ორი 18-სართული კორპუსი აშენდება, ხოლო აღნიშნული ტერიტორია „ქართული ოცნების“ შემომწირველის, ზაურ ცხადაძის შვილმა მიიღო.

„მივმართეთ პროკურატურას, ამ კორუფციული სქემით დაინტერესდეს და გამოიძიოს, რა მოხდა თბილისის მთავრობის პირველი აპრილის სხდომაზე 2015 წელს. რატომ მიიღო ეს გადაწყვეტილება თბილისის მთავრობამ, რომ სპორტული მოედანი, რაგბის სავარჯიშო მოედანი გასხვისებულიყო. გაცვლის შედეგად ეს ტერიტორია მიიღო ზაურ ცხადაძის შვილმა. „თეგეტა მოტორსის“ მეპატრონის შვილმა სანდრო ცხადაძე და აშენებს რაგბის მოედნის ნაცვლად ორ 18 სართულიან კორპუსს“, -თქვა ლიპარტელიანმა.