სამართალი

ორ ცდაზე გამოცდების ჩაუბარებლობის შემთხვევაში საპატრულო პოლიციის თანამშრომლებს სამსახურიდან დაითხოვენ

საქართველოს შინაგან საქმეთა მინისტრი, გიროგი მღებრიშვილი, საპატრულო პოლიციის კურატორობას შეითავსებს.

როგორც მღებრიშვილმა დედაქალაქისა და რეგიონების საპატრულო პოლიციის დეპარტამენტებთან თათბირზე განაცხადა, საპატრულო პოლიციის განვითარება არის მისი პრიორიტეტი.

„საპატრულო პოლიციის განვითარება და ამ დანაყოფში ჩასატარებელი რეფორმები არის ჩემი პრიორიტეტი. შინაგან საქმეთა სამინისტროს აკადემიამ მოამზადა გადამზადების კურსი, რომელშიც მონაწილეობას მიიღებს საპატრულო პოლიციის ყველა თანამშრომელი, განსაკუთრებით ისინი, ვინც ხაზზე მუშაობენ. ისინი, ვინც ვერ შეძლებენ გამოცდის ჩაბარებას ორ ცდაზე, ბოდიშის მოხდით და მადლობის გადახდით, დავემშვიდობებით. მათ ჩაანაცვლებენ კადრები, რომლებიც არიან ახალაგზრდები, რომლებიც არიან მოტივირებულები, რომლებიც არიან ნასწავლი“,-აღნიშნა მინისტრმა.

მონიკა დავლიანიძე