პოლიტიკა

ოპოზიციის ამოცანაა, რაც შეიძლება მეტი ჩრდილი მიადგეს სახელმწიფო უწყებას - გია ვოლსკი

საპარლამენტო უმრავლესობის წევრის, გია ვოლსკის განცხადებით, შემუშავებული კანონპროექტი ე.წ. ფარული მოსმენების შესახებ უზრუნველყოფს ისეთი დამოუკიდებელი უწყების შექმნას, რომელიც არ იქნება დამოკიდებული საგამოძიებო მოქმედების სტრუქტურებზე.

კანონპროექტის ერთ-ერთი ავტორის აზრით, ოპოზიცია ცდილობს, „ჩრდილი მიაყენოს“ სახელმწიფო უწყებას.

„ე.წ. ფარული მოსმენების კანონპროექტი პროფესიონალურია. ის შესაბამისობაშია მთავარ მოთხოვნასთან, რომ სტრუქტურა არ იყოს დამოკიდებული იმ სტრუქტურებზე, რომელიც საგამოძიებო მოქმედებებს ატარებს. ანგარიშვალდებულება, პერსონალური მონაცემების დაცვის ინსპექტორის, სასამართლოს, პროკურატურის და, რაც მთავარია, პარლამენტის კონტროლი არის მაღალ დონეზე უზრუნველყოფილი. გარდა ამისა, უზრუნველყოფილია ეროვნული უსაფრთხოების თემა, მისი დაცვის მექანიზმებია ასახული. რასაკვირველია, ოპოზიციის ამოცანა სხვა რამეში მდგომარეობს, რომ მივიღოთ დასუსტებული სტრუქტურა და რაც შეიძლება მეტი ჩრდილი მიადგეს სახელმწიფო უწყებას“, -განაცხადა გია ვოლსკიმ.

შეგახსენებთ, რომ პარლამენტში მეორე მოსმენით განიხილავენ საკონსტიტუციო ცვლილებათა პაკეტს ე.წ. ფარული მოსმენების შესახებ.

ანა მებურიშვილი