პოლიტიკა

ოპოზიცია პარლამენტში შს მინისტრსა და მთავარ პროკურორს იბარებს

საპარლამენტო ოპოზიცია საკანონმდებლო ორგანოში შს მინისტრსა და მთავარ პროკურორს იბარებს.

„ომეგა ჯგუფის“ საქმე და სკანდალური ჩანაწერები, სადაც ბიძინა ივანიშვილის მმართველობის ძალადობრივი მეთოდები იკვეთება, დღეს პარლამენტში განხილვის მთავარი თემა იქნება.

„100% დადასტურებული ფაქტია, ბანკიდან გამოიტანეს 4 მილიონი ლარი, ჩადეს ტომარაში, ჩაუდეს მანქანაში ვიღაც ბანდიტებს, არის საბუთი, არის მტკიცებულება, ფულის გამოძალვის ფაქტზე აღიძრა სისხლის სამართლის საქმე. ეს არის მაფიოზური ჯგუფის მიერ დატერორება ბიზნესის. ამ ისტორიას ვერ წაშლის ხელისუფლება, იმიტომ, რომ საბანკო ჩანაწერები შეუძლებელია გაქრეს, ამიტომ ,,ომეგასთან“ დაკავშრებით დაუყოვნებლივ უნდა გამოცხადდეს პროკურორი და შს მინისტრი, ყველა ადამიანი, ვინც ჩართულია ამ საქმეში, მოვიდეს პარლამენტში და კითხვებს პასუხები გასცეს,“ - აცხადებს ენმ-ს წევრი, რომან გოცირიძე.

შს მინისტრისგან კითხვებზე პასუხს ელოდება "ევროპული საქართველოც."

„,როდესაც ვსაუბრობთ სისტემურ რეალურ ჩავარდნაზე, სისტემურ კორუფციაზე, რისი შედეგიც არის ქვეყნის განვითარების ძალიან დაბალი დონე, რა თქმა უნდა, პარლამენტში პასუხი უნდა გაეცეს იმ შეკითხვებს, რომელიც საზოგადოებას აქვს. შს მინისტრს და მთავარ პროკურეორს ევალაბთ, მოვიდნენ პარლამენტში და გასცენ პასუხი, რა ეტაპზეა გამოძიება,“-აცხადებს ,,ევროპული საქართველოს“ წევრი, ირაკლი აბესაძე.