პოლიტიკა

ოპოზიცია პარლამენტში დავით ზალკალიანის და თეა წულუკიანის მისვლას ითხოვს

ჰააგაში მიმდინარე 2008 წლის რუსეთ-საქართველოს აგვისტოს ომთან დაკავშირებით მიმდინარე პროცესთან დაკავშირებით პარლამენტის საგარეო ურთიერთობათა კომიტეტის სხდომაზე განცხადება სალომე სამადაშვილმა გააკეთა.

დეპუტატმა პარლამენტში საგარეო საქმეთა მინისტრისა და იუსტიციის მინისტრის მისვლა მოითხოვა.

სამადაშვილის განცხადებით, მინისტრებმა არსებულ კითხვებს პასუხები უნდა გასცენ.

„თქვენი სამშობლო რუსეთია და მას ემსახურებით. დავით ზალკალიანი საგარეო უწყებას თვალცრემლიანი რომ გამოემშვიდობა და თქვა, რუსეთის ინტერესებზე ვერ ვიმუშავებო, მოვიდეს და გაგვცეს პასუხი, რა ხდება ჰააგაში”, – აღნიშნა სამადაშვილმა.

ოპოზიციონერი დეპუტატის ამ განცხადებას უმრავლესობის ლიდერი გამოეხმაურა.

არჩილ თალაკვაძის თქმით, საქართველოს მხარეს არის სიმართლე და ეს მსოფლიომ უნდა დაინახოს.

„თუ მინისტრი იქნება მოწვეული, მყარი პოზიციები გვაქვს და მოისმენთ. ჯარისკაცებისა და ჰააგის თემას პარტიული ინტერესებისთვის იყენებთ. კომიტეტში მინისტრების მოსვლა პრობლემა არ არის,” – მიმართა სამადაშვილს თალაკვაძემ.