საზოგადოება

ოლიმპიური ცენტრის დაარსებიდან 60 წლის იუბილისადმი მიძღვნილი ღონისძიება გაიმართება

27 დეკემბერს 12:00 საათზე სსიპ-საქართველოს ოლიმპიური რეზერვების მზადების ეროვნული ცენტრის დაარსებიდან 60 წლის იუბილესთან დაკავშირებით, ოლიმპიურ ცენტრში სპორტის თვალსაჩინო მოღვაწის, საქართველოში პირველი სპორტული სკოლა ინტერნატის სული ჩამდგმელის, გიორგი მერკვილაძის სახელობის ბარელიეფი გაიხსნება.

საზეიმო გახსნის შემდეგ საქართველოს ეროვნულ ოლიმპიურ კომიტეტსა და ოლიმპიურ ცენტრს შორის ურთიერთთანამშრომლობის მემორანდუმიც გაფორმდება.

გიორგი მერკვილაძის ხსოვნას ასევე მიეძღვნება ფოტოგამოფენა, სადაც საქართველოში აღიარებული სპორტსმენების, მათ შორის გიორგი ნიკოლაძის, გიორგი ეგნატაშვილის, ომარ ფხაკაძის, ვლადიმერ გოგოლაძისა და სხვა ფოტოები იქნება წარმოდგენილი.

ოლიმპიური ცენტრის დაარსებიდან 60 წლის აღსანიშნი ღონისძიებების ფარგლებში, 17:00 საათზე ახმეტელის თეტრში ოლიმპიური ცენტრის აღზრდილ და ვეტერან სპორტსმენთა დაჯილდოვების ცერემონია გაიმართება. გამორჩეული სპორტსმენები ორ ნომინაციაში გამოვლინდებიან: ოლიმპიური ცენტრის „2018 წლის საუკეთესო სპორტსმენი“ და „საპატიო დესპანი“.

დაჯილდოვების ცერემონიას განათლების, მეცნიერების, კულტურისა და სპორტის სამინისტროს, პარლამეტის სპორტისა და ახალგაზრდულ საქმეთა კომიტეტის, საქართველოს ეროვნული ოლიმპიური კომიტეტისა და სპორტული ფედერაციების, ასევე საქართველოს ფიზიკური აღზრდისა და სპორტის სახელმწიფო სასწავლო უნივერსიტეტის წარმომადგენლები დაესწრებიან.