კომენტარი

ნინო კალანდაძე- დავით დარჩიაშვილზე: თუ ვინმეს პოზიცია არ გაიზიარა უმრავლესობამ, ეს პარტიის დატოვების მიზეზი არ შეიძლება გახდეს

ნაციონალური მოძრაობის წევრის, ნინო კალანდაძის განცხადებით, იგი არ ეთანხმება პოზიციას, რომ თუ ვინმეს პოზიცია არ გაიზიარა უმრავლესობამ, ეს პარტიის დატოვების მიზეზი შეიძლება გახდეს.

ამის შესახებ კალანდაძემ, პარტიის წევრის, დავით დარჩაიშვილის განცხადების, კომენტირებისას აღნიშნა.

„არ მიმაჩნია სწორ პოზიციად, რომ მხოლოდ იმიტომ, რომ ვიღაცის პოზიცია არ იქნა უმრავლესობაში და პარტიის მიერ სათანადოდ გაზიარებული, ეს საფუძველია იმისთვის, რომ ვინმემ პარტია დატოვოს. დემოკრატი გულისხმობს იმას, რომ ვიღაცის მოსაზრება აღმოჩნდება უმცირესობაში და დემოკრატია ასევე გულისხმობს იმას, რომ უმცირესობაში როდესაც აღმოჩნდება პოზიცია, უმცირესობამ ეს უნდა გაითავისოს და მოცემულობად მიიღოს“,-აღნიშნა კალანდაძემ

მისი თქმით, მიხელ სააკშვილთან უკრაინაში ნაციონალური მოძრაობის პოზიციების შეთანხმება არ ხდება.

„პოზიციების კიევში შეთანხმება საერთოდ არ ხდება. მათ შორის პოლიტსაბჭოს გადაწყვეტილებებსაც მიხეილ სააკაშვილი ხშირად პოსტფაქტუმ იგებს. ხშირად, მისი პოზიციების გათვალისწინება საერთოდ არ ხდება პოლიტსაბჭოს მიერ. თუ დადგება საკითხი, უნდა ჰყავდეს თუ არა პარტიას ახალი თავმჯდომარე, მე ღრმად ვარ დარწმუნებული იმაში, რომ 7 ათასი დელეგატის დიდი უმრავლესობა ამ საკითხს არ გაითვალისიწნებს, არ დაუჭერს მხარს“,-აღნიშნა კალანდაძემ.

მონიკა დავლიანიძე