პოლიტიკა

ნინო გვენეტაძის გადაწყვეტილება ჩემთვის მოულოდნელი იყო - ანა დოლიძე

იუსტიციის უმაღლესი საბჭოს არამოსამართლე წევრის, ანა დოლიძის განცხადებით, საქართველოს უზენაესი სასამართლოსა და იუსტიციის უმაღლესი საბჭოს თავმჯდომარის, ნინო გვენეტაძის გადაწყვეტილება თანამდებობიდან წასვლის შესახებ მისთვის მოულოდნელი აღმოჩნდა.

„ძალიან მნიშვნელოვანია ქალბატონ ნინოს ჯანმრთელობის მდგომარეობა ჩემთვის, თუმცა ეს გადაწყვეტილება მოულოდნელი იყო და მინდა, დამატებითი რამ გავიგო ამის შესახებ.

სისტემაში, რა სისტემაშიც ქალბატონი ნინო იყო ლიდერი, ზოგადი ფონი ძალიან მძიმე იყო, რასთანაც მას ჰქონდა ყოველდღიური შეხება, მაგრამ კონკრეტულად რაშია საქმე, რატომ დღეს, ამაზე ინფორმაცია არ მაქვს და მეტი მინდა, გავიგო. მას ძალიან მძიმე სფერო შეხვდა სამუშაოდ და ამას რამდენად შეხება ჰქონდა მის ჯანმრთელობის მდგომარეობასთან, არ ვიცით, მაგრამ იქ მუშაობა, რომ ძალიან ძნელი იყო, ეს ცხადია“, – განაცხადა დოლიძემ.

როგორც უზენაესი სასამართლოს პრესსამსახურის მიერ გავრცელებულ ინფორმაციაში წერია, ნინო გვენეტაძის გადადგომის მიზეზი გახდა ჯანმრთელობის მდგომარეობა და საზღვარგარეთ რამდენიმეთვიანი მკურნალობის საჭიროება.