კომენტარი

ნინო გვენეტაძემ უნდა განმარტოს რატომ ეწინააღმდეგებოდა მოსამართლეების უვადოდ გამწესებას - ეკა გიგაური

არასამთავრობო ორგანიზაცია „საერთაშორისო გამჭვირვალობა საქართველოს“ აღმასრულებელი დირექტორი ეკა გიგაური მიიჩნევს, რომ იმ მოსამართლეების უვადოდ დანიშვნა, რომელთა მიმართ ბევრი კითხვის ნიშანია, პრობლემატურია სასამართლო სისტემისთვის.

მისივე თქმით, ნინო გვენეტაძემ უნდა განმრატოს, რატომ ეწინააღმდეგებოდა ამ მოსამართლეების უვადოდ დანიშვნას, თუ თავის დროზე მათი ნაწილის დანიშვნას მხარი დაუჭირა.

„ამ დანიშვნებში მოხვდნენ ისეთი მოსამართლეები, რომლებიც პრობლემატურები იყვნენ წინა წლების განმავლობაშიც და მათი სასამართლო სისტემაში ყოფნა არ იყო პოზიტიური. მათ საქმიანობასთან დაკავშირებით, გასული წლების განმავლობაში, ძალიან ბევრი კითხვის ნიშანია. ამიტომ, ამ ოდიოზური მოსამართლეების სასამართლო სისტემაში უვადოდ გამწესება, ცხადია, არის პრობლემატური. თუ ამას ეწინააღმდეგებოდა უზენაესი სასამართლოს თავმჯდომარე, მაშინ ჩვენ უნდა ვიცოდეთ ახლა რატომ ეწინააღმდეგებოდა, იმიტომ რომ თავის დროზე როდესც მათი დანიშვნა ხდებოდა, გარკვეული მოსამართლეების დანიშვნას მანაც დაუჭირა მხარი“,-აღნიშნა გიგაურმა.

გუშინ, უზენაესი სასამართლოს თავმჯდომარემ 34 მოსამართლის უვადოდ გამწესებას ხელი მოაწერა.

მონიკა დავლიანიძე