პოლიტიკა

ნინო ბურჯანაძეს მე საერთოდ არ განვიხილავ სერიოზულ კანდიდატად -დავით ზურაბიშვილი

რესპუბლიკური პარტიისთვის ორიენტირი 2020 წლის საპარლამენტო არჩევნებია. როგორც პარტიის ერთ-ერთმა წევრმა დავით ზურაბიშვილმა აღნიშნა, მიმდინარე საპრეზიდენტო არჩევნები მათთვის პრიორიტეტული არ არის, თუმაცა პროცესებში გარკვეული ფორმით მონაწილეობას აპირებენ.

„არამარტო რესპუბლიკური პარტიისთვის, არამედ კოალიციის სხვა წევრებისთვის საკმაოდ რთული პერიოდია ახლა. ეს ბუნებრივიცაა, ჩვენ ვიყავით ხელისუფლებაში საკმაოდ სოლიდურად წარმოდგენილი და მერე ჩვენი შეცდომებისა თუ ბიძინა ივანიშვილის მიზანმიმართული ქმედებით, ამ რელობის წინაშე დავდექით.

ჩვენ გვაქვს გეგმა თუ როგორ გამოვიდეთ ამ კრიზისული სიტუციდან. ჩვენი ორიენტირი არის 2020 წლის საპარლამენტო არჩევნები.მიმდინარე საპრეზიდენტო არჩევნები არ არის პრიორიტეტული , თუმცა მონაწილეობას გარკვეული ფორმით იმ პროცესებში, რაც პროცესებიც იქნება, რა თქმა უნდა, ვაპირებთ. პოლიტიკური ბლოკის შექმნას ჯერჯერობით არ ვგეგმავთ“, - აცხადებს ზურაბიშვილი.

დავით ზურაბიშვილი საპრეზიდენტო არჩევნებისთვის ნინო ბურჯანაძეს კონკურენტუნარიანად არ თვლის.

„ნინო ბურჯანაძეს მე საერთოდ არ განვიხილავ სერიოზულ კანდიდატად, რომელსაც შეუძლია კონკურენციის გაწევა. წინა საპარლამენტო არჩევნებიც ამას ცხადყოფს.

მარგველაშვილს თვითონ არ უთქვამს არაფერი. თუ მას სურდა გაერთიანებული კანდიდატი ყოფილიოყო, მას სათანადო მუშაობა უნდა ქონოდა“ ნაცნიონლურ მოძრაობასთან“ , „ევროპულ საქართველოსთან“ თუ სხვა პარტიებთან. ჯერჯერობით მას არ მიუღია გადაწყვეტილება და საერთოდ არ ვიცით აპირებს თუ არა მონაწილობის მიღებას.“ - აცხადებს ზურაბიშვილი.

საპრეზიდენტო არჩევნები 2018 წლის ოქტომბერში ჩატარდება.

ცირა გურგენიძე