პოლიტიკა

ნინო ბურჯანაძე სტრასბურგის სასამართლოსთვის მიმართვას გეგმავს

,,დემოკრატიული მოძრაობის’’ ლიდერის, ნინო ბურჯანაძის განცხადებით, ,,ქართულმა ოცნებამ’’ და ,,ნაციონალურმა მოძრაობამ’’ არჩევნები ერთობლივად გააყალბეს.

როგორც ბურჯანაძე, დღეს გამართულ გრიფინგზე განაცხადა, აღნიშნულმა ორმა პარტიამ ,,დემოკრატიული მოძრაობის’’ და სხვა ოპოზიციური პარტიის ხმების მიითვისეს.

საქართველოში საპარალამენტო არჩევნების გაყალბების დასამტკიცებლად ბურჯანაძე სტრასბურგის სასამართლოსთვის მიმართვას გეგმავს.

,,ნაციონალურმა მოძრაობამ ,,ქართულ ოცნებასთან’’ შეთანხმებით ნამდვილად გააყალბა არჩევნები და ნამდვილად მიისაკუთრეს ორივემ ჩვენი და სხვა ოპოზიციური პარტიის ხმები. უბრალოდ, მეორე ტურში ,,ქართულ ოცნებას’’ ნაციონალური მოძრაობა აღარ სჭირდებოდა და ნაციონალური მოძრაობა გადააგდეს.

მე მუდმივად ვაწვდი საერთაშორისო თანამეგობრობას, ელჩებს, დიპლომატიყრი კორპუსის წარმომადგენლებს იმ ინფორმაციას, რაც მე მაქვს გაყალბების თაობაზე. ყოველი ამ პროცედურის ამოწურვის შემდეგ ჩვენ, რა თქმა უნდა, მივმართავთ სტრასბურგის ადამიანის უფლებათა სასამართლოს, “ - აცხადებს ნინო ბურჯანაძე.

ნინო ექვთიმიშვილი