პოლიტიკა

„ნაციონალურმა მოძრაობამ“ უწყებათაშორისი კომისია პროტესტის ნიშნად დატოვა

„ერთიანი ნაციონალური მოძრაობის“ წევრმა თინა ბოკუჩავამ უწყებათაშორისი კომისია პროტესტის ნიშნად დატოვა.

მისი თქმით, ეს იმას ნიშნავს, რომ „ნაციონალური მოძრაობა“ უწყებათაშიროს სხდომებს აღარ დაესწრება.

„ეს არ არის პირველი შემთხვევა, როდესაც „ქართული ოცნება“ შავზე თეთრს გვეუბნება. ბიძინა ივანიშვილი ხელისუფლებაში ტყუილებით მოვიდა და ახლა ტყუილებით ცდილობს შეინარჩუნოს ძალაუფლება,ასე რომ ჩვენს გადაწყვეტილებაში გასაკვირი არაფერი არ არის.

ფაქტი სახეზეა, რომ რაც ხდება ბაღების მასწავლებლებთან მიმართებაში არის სისტემური დანაშაული. „ქართულ ოცნებას“ რეალურად რომ უნდოდეს ნორმალური რეაგირების მიცემა, ეს ადამიანები უნდა მისცეს პასუხისმგებლობაში.

თეა წულუკინის მიერ შეკრებილ საზოგადოებას დავალება არ აქვს, რომ რეალურად მოახდინოს რეაგირება ასეთი ტიპის კანონდარღვევებზე, მათ შორის მაშინაც კი როდესაც სისხლის სამართლის დანაშაული იკვეთება“,-განმარტა პარლამენტარმა.

მონიკა დავლიანიძე