პოლიტიკა

„ნაციონალურმა მოძრაობამ“ და გრიგოლ ვაშაძემ მნიშვნელოვნად დაკარგა მხარდაჭერა მას შემდეგ, რაც სააკაშვილმა არაადეკვატური განცხადებები გააკეთა - გია ვოლსკი

„ვფიქრობ, რომ „ნაციონალურმა მოძრაობამ“ და გრიგოლ ვაშაძემ, ზოგადად ამ მიმართულებამ, არ ვიცი, რა ვუწოდო, მნიშვნელოვნად დაკარგა მხარდაჭერა მას შემდეგ, რაც სააკაშვილმა არაადეკვატური განცხადებები გააკეთა“, - ამის შესახებ პარლამენტის ვიცე-სპიკერმა გია ვოლსკიმ ჟურნალისტებს განუცხადა.

მისივე თქმით, დესტაბილიზაციის მოწყობა ყოფილი პრეზიდენტის გეგმის ნაწილია.

„ეს ის არის, რაც ყველა შემთხვევაში საქართველოს არცერთ მოქალაქეს არ აწყობს, არა თუ არ აწყობს, შიშით უყურებს ასეთ პერსპექტივას. დესტაბილიზაცია არ არის მარტო სააკაშვილის ამოჩემება, ვფიქრობ, რომ ის გარკვეული გეგმითაც მოქმედებს.

მას გააჩნია გარკვეული სტრატეგიული გეგმა და ამ გეგმის ნაწილია დესტაბილიზაცია“, - განაცხადა ვოლსკიმ.