პოლიტიკა

,,ნაციონალების“ გარდა, ყველა ჯანსაღ და გამოცდილ კადრს მივესალმები - გუგული მაღრაძე

,,ქართული ოცნების“ წევრის გუგული მაღრაძის განცხადებით, ქვეყანამ უნდა გამოიყენოს ოპოზიციური პარტიებიდან წასული ლიდერების რესურსი და პოტენციალი. ამის შესახებ მაღრაძემ დღეს გამართულ პრესკონფერენციაზე განაცხადა და აღნიშნა, რომ ერთადერთი ძალა, ვისთან თანამშრომლობის კატეგორიული წინააღმდეგიცაა, ნაციონალური მოძრაობაა.

,,ხელისუფლებამ უნდა გამოიყენოს ქვეყნის სასიკეთოდ ის რესურსი და პოტენციალი, რაც პარტიებიდან წასულ ბევრ ოპოზიციურ ლიდერს გააჩნია. თანამშრომლობა ყველასთან დასაშვებია, ვინც ამის სურვილს გამოთქვამს. ერთადერთი, რისი კატეგორიული წინააღმდეგიც ვიქნები – არ უნდა შედგეს არანაირი თანამშრომლობა „ნაციონალურ მოძრაობასთან. ,,ნაციონალების“ გარდა, ყველა ჯანსაღ და გამოცდილ კადრს მივესალმები “, - განაცხადა გუგული მაღრაძემ.

მარი ნამგალაძე