პოლიტიკა

ნატო-სა და საქართველოს ურთიერთობები საკმაოდ დაახლოვდა ერთმანეთთან - დალია გრიბაუსკაიტე

უნდა დავგმოთ ყველანაირი აგრესია და მით უმეტეს, ოკუპაცია. ჩვენ მთლიანად ვუჭერთ მხარს და ვდგავართ თქვენი ტერიტორიული მთლიანობის გვერდით. სანქცია არის კიდევ - დიპლომატიური იზოლაცია. ეს არის, რაც დღეისათვის ხელთ გვაქვს, - განაცხადა ლიეტუვას პრეზიდენტმა, დალია გრიბაუსკაიტემ გიორგი მარგველაშვილთან შეხვედრის დასრულების შემდეგ გამართულ საგანგებო პრესკონფერენციაზე რუსულ ოკუპაციასთან დაკავშირებით დასმული კიუთხვის პასუხად.

,,ჩვენ მხარს ვუჭერ, თქვენი უშიშროების გაძლიერების მცდელობას. ნატოსა და ევროპის თვალთახედვით, ფაქტობრივად ჩვენ ვეხმარებით აგრეთვე ეკონომიკურ განვითარებას საქართველოში და ეს არის ინვესტიცია უსაფრთხოებაშიც.

რაც შეეხება ნატო-ს მომავალ სამიტს, ნატო-სა და საქართველოს ურთიერთობები საკმაოდ დაახლოვდა ერთმანეთთან. ყველაზე ახლო ურთიერთობაა, რაც კი ოდესმე მინახავს რომელიმე სხვა, ისეთ ქვეყანასთან, რომელსაც სურს შეუერთდეს ნატო-ს. რა თქმა უნდა, არის უამრავი ცხელი წერტილი მთელს მსოფლიოში, სადაც ნატო არის თავისი წარმომადგენლობით. ეს არის ის, რასაც საქართველო აკეთებს და როგორ ნაბიჯებსაც დგამს. საქართველო სულ უფრო და უფრო ახლო თანამშრომლობას აღრმავებს ნატო-სთან და ეს არის კიდევ ერთ-ერთი შანსი. ნებისმიერი ასეთი ნაბიჯი უნდა დაჩქარდეს, ნებისმიერი ოფიციალური ეტაპი უნდა გადაილახოს წევრობისათვის“, - განაცხადა დალია გრიბაუსკაიტემ.