საზოგადოება

ნატო ჩხეიძე წინასაარჩევნო კამპანიას შიდა ქართლში განაგრძობს

ხაშურში, ქარელსა და გორის სოფლებში გაერთიანებული ოპოზიცი - „ძალა ერთობაშია“- ს მაჟორიტარი დეპუტატობის კანდიდატი ნატო ჩხეიძე ადგილობრივ მოსახლეობასთან შეხვედრას განაგრძობს.

შეხვედრისას ის ადგილობრივების ძირითად პრობლემებს ისმენს და მოსახლეობას გარდამტეხი ცვლილებების მომტან კონკრეტული გეგმას სთავაზობს და გამარჯვების შემთხვევაში, პრობლემების მოგვარებასა და სოციალური მდგომარეობის გაუმჯობესებას პირდება.

ნატო ჩხეიძე სოციალურ ქსელში წერს:

„დილას მესინჯერში სიმღერა დამხვდა ხაშურზე, “ ჩაგეხუტება, გეფერება, მიგიღებსო...” რეფრენად გასდევდა.

გული მადლიერებით ამევსო...

ჩავიცვი ფეხზე “შეზრდილი” თეთრი ბოტასები და გავეშურე ქართლის მოსაფერებლად...

აი, დაღლაურიც, 6 პექტარზე გაშენებული ვაშლის ბაღები, კრეფენ ვაშლს,
ეს “ამერიკანაო“,
ეს “გოლდენიო”,
აწყობენ ყუთებში და ერთდროულად ნაღვლიან - იმედიანად დაჰყურებენ.

იმედიანად - რომ ეს არის მათი სარჩო და ნაღვლიანად, რომ გაყიდვა ჭირს და ნაქარიც ბევრია.

ეს ბევრი ნაქარი უხარისხო შეწამვლის შედეგია,
უხარისხო წამალი კორუფციის შედეგია,
კორუფციის შედეგი ლარის ინფლაციაა,
ინფლაციის შედეგი მოსახლეობის ნაღვლიანი გამოხედვაა, სადაც იმედიც იგრძნობა, მოახლოებული არჩევნების იმედი.

ეს ხაშურია, “ სტეკლიანის” დასახლება.

იქვე ახლოს მიტოვებული შუშის ქარხანაა, 5 ათასი ადამიანი რომ ყოფილა დასაქმებული ხაშურ-სურამიდან.

გაჩერდა ქარხანა და დაისაქს - დაიფანტა ეს ხალხი, ცხოვრობენ და ვერც ცხოვრობენ, ღმერთის იმედად არიან და... არჩევნების.

“ მივალთ, ერთიც არ დავაკლდებით, ვერც კორონობა შეგვაშინებს და ვერც გურასპაშვილიო”, -გულზე მჯიღს ირტყავს დიდ- პატარა.

პატარაც, აბა, მოყვანილი ყავთ დედ- მამა- ბებიებს და : “ გურასპაშვილი ძია მე არ მიყვარსო,” - ჩუმად მიმხელს ერთი ბიჭუნა.

როგორ ვერ უნდა შევძლო, რომ ამ და სხვა ბიჭუნებმა და კიდევ სხვა გოგონებმა თუნდაც თავისთვის, თუნდაც გულში, ჩუმად თქვან: “ მე მიყვარს დეიდა ნატო”.

ო, ღმერთო, როგორ ვერ უნდა შევძლო...“ - წერს ნატო ჩხეიძე.