საზოგადოება

ნატო ჩხეიძე: საბჭოურ 8 მარტს ვერ ვაჯობე, მაგრამ 3 მარტი ამოვიდა მზის სინათლეზე

საქართველოს პარლამენტის დამოუკიდებელი დეპუტატი ნატო ჩხეიძე სოციალურ ქსელში წერს:

„მიყვარს ეს დღე,

3 მარტი,

დედის დღე რომ ჰქვია,

ზვიად გამსახურდიამ რომ შემოიღო საქართველოში დამოუკიდებელი ქვეყნის დღესასწაულად,

საბჭოურ ქალთა დღის ჩასანაცვლებლად.

შემოიღო და აღარ დასცალდა განმტკიცება არც ამის და არც აღარაფრის, და იყო ასე, მიტოვებული, თავისთვის, უპატრონოდ და უნუგეშოდ...

მერე... ავახმაურე,

მტვერი გადავაცალე,

საბჭოურ 8 მარტს დავუპირისპირე,

დედის დღის სიმბილური დატვურთვა გავამკვეთრე....

საბჭოურ 8 მარტს ვერ ვაჯობე, მაგრამ 3 მარტი ამოვიდა მზის სინათლეზე, მერე გაიფურჩქნა, გაიტოტა, ფესვი გაიმაგრა, დამკვიდრდა.

დღეს დედის დღეა!..

დიდუბეში წავედით, დედაჩემს მივულოცეთ, მცხეთაში დედათა მონასტერს მივაკითხეთ, ყველაზე დიდ დედას, ღვთისმშობელს, სანთლები დავუნთეთ, მეც მომილოცეს შვილებმა, მეუღლემ, ძმამ, მეგობრებმა, უსტარიც მომიფრინდა:

ძვირფასო ნატო, გილოცავ დედის დღეს, რომლის საქართველოში დამკვიდრებისთვის შენ პირველმა იბრძოლე და გაიმარჯვე! სიხარული და წარმატებები არ მოგკლებოდეს მომავალშიც!

ნურავის მოგვკვლებოდეს ძვირფასო მეგობრებო, ნაცნობებო და უცნობებო, ამ დღის მადლი,

დედის დღის მადლი! - წერს ნატო ჩხეიძე