პოლიტიკა

ნატო ჩხეიძე: პოლიტიკური მოტივებით დაკანონებული ფალსიფიკაცია - 26 მაისი უნდა შეიცვალოს ქრონოლოგიური სიმართლით, იურიდიული სიმტკიცით და კონსტიტუციური სიცხადით

დამოუკიდებლობის დღე 1991 წლის 9 აპრილს შესაბამისი იურიდიული აქტით გაფორმდა და ის ძველი აქტი 1918 წლის 26 მაისისა ისტორიას არის ჩაბარებული და მიეჩინოს უნდა თავისი ადგილი ქრონიკებში და არა ყოველწლიურ ყოფაში, - აცხადებს ოპოზიციონერი პარლამენტარი ნატო ჩხეიძე.

„IV მოწვევის პარლამენტში 8 მარტის ჩანაცვლება მინდოდა 14 მაისით ( კლარა ცეტკინის დაარსებული დღის ნაცვლად რომ თამარ მეფის დღე გვქონიდა უქმე დღედ და დღესასწაულად ) და არაო, მაშინდელმა პარლამენტმა.

ეჰ…- მეთქი, ვთქვი.

მერე IX და X მოწვევის პარლამენტში 26 მაისის შეცვლა მინდოდა 9 აპრილით (ნოე ჟორდანიას გამოცხადებული აწ გაუქმებული სახელმწიფოს დამოუკიდებლობის დღის ნაცვლად რომ ზვიად გამსახურდიას გამოცხადებული აწ მოქმედი სახელმწიფოს დამოუკიდებლიბის დღე ყოფილიყო უქმე დღედ და დღესასწაულად)

არაო, წინა და ახლანდელმა პარლამენტმა.

ეჰ და კიდევ ეჰ - მეთქი, ვთქვი

და…

ამ 9 აპრილს მაინც არ მოვეშვი და მალე ისევ წარვადგენ კანონპროექტს და ისევ ავხსნი, რომ:

დამოუკიდებლობის დღე ქვეყანაში ზეიმის დღეა და არა გლოვისა.

დამოუკიდებლობის დღე 1991 წლის 9 აპრილს შესაბამისი იურიდიული აქტით გაფორმდა და ის ძველი აქტი 1918 წლის 26 მაისისა ისტორიას არის ჩაბარებული და მიეჩინოს უნდა თავისი ადგილი ქრონიკებში და არა ყოველწლიურ ყოფაში.

პოლიტიკური მოტივებით დაკანონებული ფალსიფიკაცია - 26 მაისი უნდა შეიცვალოს ქრონოლოგიური სიმართლით, იურიდიული სიმტკიცით და კონსტიტუციური სიცხადით - 9 აპრილით.

არ მოვიდა ვითომ ამის დრო?

მოვიდა.

მგონია, რომ მოვიდა.

ვიცი, რომ მოვა.

და…

მაისი ხომ ნამდვილად მოვიდა და სხვა ბევრიც, ჯერ რომ არ მოსულა, ისიც მოვა.

ვახ!.. - დაწერა ნატო ჩხეიძემ სოციალურ ქსელში.