პოლიტიკა

ნატო ჩხეიძე: პირველი მოსმენით მიღებული კანონის გაწვევა მარტო ასე საჯარო განცხადებით არ ხდება

დღევანდელი გამარჯვების ბოლომდე მისაყვანად საჭიროა, რომ პარლამენტში იურიდიული პროცედურები შესრულდეს, - ამის შესახებ პარლამენტარი ნატო ჩხეიძე განაცხადა, რითაც გამოეხმაურა „ქართული ოცნების“ განცხადებას, რომ საპარლამეტო უმრავლესობა ე.წ. აგენტების შესახებ მათ მიერ მხარდაჭერილ კანონპროექტს გაიწვევს.

„პარლამენტის რეგლამენტის მიხედვით პირველი მოსმენით მიღებული კანონის გაწვევა მარტო ასე საჯარო განცხადებით არ ხდება.

ახლა არსებობს ორი კანონი:

1. რუსულის მსგავსი, “ უცხოური გავლენის გამჭვირვალიბის შესახებ”, პირველი მოსმენით უკვე მიღებული;

2. ამერიკულს რომ უწოდებენ, “ უცხოელი აგენტის რეგისტრაციის შესახებ”, რომელიც ჯერ არ განხილულა სესიაზე.

1. “ გამჭვირვალობის” კანონპროექტი დოკუმენტურად უნდს გაუქმდეს ისე, რომ მისი “ გაცოცხლება” შეუძლებელი გახდეს.

2. “ აგენტის რეგისტრაცის” კანონპროექტს კი, რომელიც ჯერ არ გამოუტანიათ მოსმენაზე, ყველა ინიციატორმა უნდა მოაწეროს ხელი და პროექტი გაიწვიოს.

ჩვენ, ოპოზიციური დეპუტაცია ყურადღებით და დაჟინებით მივადევნებთ თვალსაც და ხმასაც, რომ იურიდიული ნიუანსები შესრულდეს ორივე პროექტის მიმართ.

თუ არა და …

მაშინ კვლავ დასჭირდება საპარლამენტო ოპოზიციას ჩვენი ხალხის თავგამოდება, რომ ბოლომდე მივიყვანოთ ეს საკითხიც ჩვენი ევროპული მომალისათვის,“ - აცხადებს ნატო ჩხეიძე.