საზოგადოება

ნატო ჩხეიძე: ღვთის რწმენა დიდი ძალაა, უშიშარი ეკლესია ხალხსაც უშიშარს ხდის

ღვთის რწმენა დიდი ძალაა, უშიშარი ეკლესია ხალხსაც უშიშარს ხდის, უშიშარი ხალხი კი ყველაფერს მოერევა, - წერს სოციალურ ქსელში პარლამენტის დამოუკიდებელი დეპუტატი ნატო ჩხეიძე.

„სერიიდან: უშიშარი ხალხი და covid -19

“ შეშინებულ მსოფლიოს სჭირდება უშიშარი ეკლესია” , ამერიკელმა სულიერმა ლიდერმა იმიტომაც გაიხსენა ამერიკელი მწერლის ეს ფრაზა, რომ ეკლესია სჭირდება ადამიანს, სწორედ იმიტომაც, რომ ძალა მოიკრიბოს და გაიმარჯვოს.

უღვთო საბჭოთა კავშირში სტალინმა ღვთისმსახურება ოფიციალურად დაუშვა ომის დროს, მგონი 1943 წელს, როცა ხალხს საშინლად გაუჭირდა, ფრონტსაც და ზურგსაც და მხნეობისთვის, იმედისთვის, მომავლის რწმენისთვის, გამარჯვებისთვის ღმერთს ისედაც უხმობდა სასოწარკვეთილი ხალხი.

უხმობდა და ... უკეთ იბრძოდა, ფრონტზეც და ზურგშიც.

ჰოდა, ახალი ტაძრების აშენების ნებართვაც გაიცა საბჭოეთში.

ღვთის რწმენა დიდი ძალაა, უშიშარი ეკლესია ხალხსაც უშიშარს ხდის, უშიშარი ხალხი კი ყველაფერს მოერევა,

ყველაფერს,

უხილავ კორონასაც კი...“ - დაწერა ნატო ჩხეიძემ.