პოლიტიკა

ნატო ჩხეიძე ფრაქცია „საქართველოს პატრიოტებს“ ტოვებს

პარლამენტის ფრაქცია „საქართველოს პატრიოტების“ თავმჯდომარის მოადგილემ ნატო ჩხეიძე ფრაქციას ტოვებს. ამის შესახებ მან რუსთავი 2-ის გადაცემაში „არჩევანი“ თქვა, სადაც მიწვეული იყო „იბერია ტვ“-სა და „ომეგა ჯგუფში“ მიმდინარე პროცესებზე სასაუბროდ.

დეპუტატს წასვლის მიზეზი არ დაუსახელებია. ის განმარტებების გაკეთებას სესიაზე აპირებს.

„ამ შექმნილმა გარემოებამ და ვითარებამ და არა მარტო ამან გადამაწყვეტინა და გადამადგმევინა ეს ნაბიჯი“, - განმარტა ჩხეიძემ.

მომხდარი მოულოდნელი აღმოჩნდა „პატრიოტთა ალიანსის“ ლიდერისთვის, ირმა ინაშვილისთვის. მან აღნიშნა, რომ ჩხეიძის წასვლა ფრაქციის დაშლას გამოიწვევს.

„გაოცებული ვარ იმით რასაც ვისმენ, იმიტომ, რომ ნამდვილად არ ველოდი ასე გადაწყვეტილებას. არავითარი დაპირისპირება ამ ორი წლის მანძილზე ჩვენს შორის არ ყოფილა. თუ ქალბატონი ნატო ჩხეიძე დატოვებს ჩვენს ფრაქციას, ცხადია დაიშლება ჩვენი ფრაქცია, მაგრამ ჩვენ გვაქვს გეგმა და ვიმოქმედებთ ამ გეგმის თანახმად. სხვათა შორის, მინდოდა შეხვედრა ქალბატონ ნატოსთან, რატომღაც არ მიპასუხა. ვეცდები, კიდევ ერთხელ დავუკავშირდე და შევეცდები, რომ შეხვდე. თუ არ შევხდით, შევხდებით ქუთაისში პლენარულ სხდომაზე“, - უთხრა ინაშვილმა რუსთავი 2-ს.