პოლიტიკა

ნატო ჩხეიძე დიმიტრი ხუნდაძეს: ხომ არ უნდა ველოდოთ თქვენგან ან სხვისგან ასეთ კანონპრექტს, რომ შემოდგომაზე დანიშნული საპარლამენტო არჩევნები შეიცვალოს და იყოს მაგალითად, საპრემიერო არჩევნები

„ხომ არ ფიქრობთ, რომ თქვენს კანონპროექტში საზოგადოების ჯანმრთელობაზე ზრუნვა არის მხოლოდ ფორმა, ხოლო შინაარსი არის გარკვეულწილად პარლამენტის დისკვალიფიკაცია? - – ამ კითხვით დამოუკიდებელმა დეპუტატმა, ნატო ჩხეიძემ პარლამენტის საგანგებო სესიის პლენარულ სხდომაზე უმრავლესობის დეპუტატს, „საზოგადოებრივი ჯანმრთელობის შესახებ" კანონში შესატანი ცვლილებების პროექტის ავტორს, დიმიტრი ხუნდაძეს მიმართა.

„ხომ არ ფიქრობთ, რომ თქვენს კანონპროექტში საზოგადოების ჯანმრთელობაზე ზრუნვა არის მხოლოდ ფორმა, ხოლო შინაარსი არის გარკვეულწილად პარლამენტის დისკვალიფიკაცია? რადგან პარლამენტის კონსიტუტციური უფლებაა სწორედ, რომ შესაბამისი არგუმენტაციის პირობებში, შესაბამის პერიოდში მთავრობას გადასცეს ის უფლებამოსილება, რაც პარლამენტმა უკვე გააკეთა უკვე ორჯერ.

ხომ არ ფიქრობთ ბატონო დიმიტრი, რომ რადგან კონსიტუტციურ უფლებას უზღუდათ პარლამენტს თქვენი კანონპროექტით, ამდენად კანონპროექტის მიღებისთვის საჭიროა 113 ხმა, ანუ საკონსტიტუციო უმრავლესობა და არა მასზე ნაკლები.

თქვენ არაერთხელ ახსენეთ თქვენს გამოსვლაში პოლიტიკური ეჭვები და ნება მომეცით, გნებავთ რიტორიკული და გნებავთ არარიტორიკული შეკითხვა დაგისვათ, თუკი კანონპროექტს 76 ხმით დღეს მიიღებს პარლამენტი, ხომ არ უნდა ველოდოთ თქვენგან ან სხვისგან ასეთ კანონპრექტს, რომ შემოდგომაზე დანიშნული საპარლამენტო არჩევნები შეიცვალოს და იყოს მაგალითად, საპრემიერო არჩევნები, რადგან ამ ფუნქციის გაუქმებით, თქვენ ფაქტობრივად აუქმებთ პარლამენტის სხვა ფუნქციებს და უფლებამოსილებები მთლიანად გადაგაქვთ პრემიერზე”, - მიმართა ნატო ჩხეიძემ დიმიტრი ხუნდაძეს.