პოლიტიკა

ნამდვილად არ ველოდები, რომ მივიღებთ რეალურ პასუხებს იმიტომ, რომ დანაშაულის დამკვეთი ხშირ შემთხვევაში არის გიორგი გახარია - თინა ბოკუჩავა

„სავარუდოდ, დღეს მოვისმენთ ლიტონ სიტყვებს, არ ველოდებით გახარიას მხრიდან რეალურ პასუხებს იმ კითხვებზე, რაც დაგროვდა საზოგადოებაში“, - ამის შესახებ „ნაციონალური მოძრაობის“ წევრმა თინა ბოკუჩავამ განაცხადა.

მისი თქმით, გახარია გადამდგარი უნდა იყოს, „რადგან თავადაა პასუხისმგებელი ბევრ უკანონო დავალებაზე“.

„მას ვკითხავთ, ამდენი ხნის მანძილზე რატომ არ გამოიძიეს და არ დასაჯეს შესაბამისი პირები სარალიძისა და მაჩალიკაშვილის საქმეზე, მუხთარლის გატაცებაზე, ახალქალაქში ოპოზიციის წევრების უმოწყალოდ ცემაზე, ონში, მათ შორს მინისტრის მოადგილე საბანაძის მამის დანაშაულებრივ ქმედებაზე, ია კერძაიას გარდაცვალებაზე. უამრავი მწვავე კითხვაა და მე ნამდვილად არ ველოდები, რომ მივიღებთ რეალურ პასუხებს იმიტომ, რომ თავად დანაშაულის დამკვეთი ხშირ შემთხვევაში არის ხოლმე გიორგი გახარია, ცხადია, ბიძინა ივანიშვილის დავალებით“, - განაცხადა ბოკუჩავამ.