პოლიტიკა

ნაკლებად მაწუხებს სიმპტომატური სიბრიყვეები კობახიძის, გახარიასი ან ივანიშვილის ნებისმიერი „კლოუნის“ – გიგა ბოკერია

სულელურ და ბრიყვულ განცხადებებს ივანიშვილის „კლოუნებისგან“ მიჩვეული ვარ დიდი ხანია. ნეტა, მარტო ეს სიბრიყვეები იყოს პრობლემა, - აცხადებს „ევროპული საქართველოს“ ერთ-ერთი ლიდერი გიგა ბოკერია.

მისი თქმით, მმართველი პარტია საზოგადოების დაყოფას ახდენს და სიძულვილს ქადაგებს, რაც ქვეყნისთვის ზიანის მოტანაა.

„მე ნაკლებად მაწუხებს ასეთი სიმპტომატური სიბრიყვეები კობახიძის, გახარიასი ან ივანიშვილის ნებისმიერი „კლოუნის“. უფრო მნიშვნელოვანია, რა სიგნალს უგზავნიან ისინი ჩვენს საზოგადოებას, რასაც სოციალურ ქსელებში ვხედავთ: საზოგადოების დაყოფა, სიძულვილის და მტრობის ქადაგება. ეს არ არის პოლიტიკური კონკურენცია, თუნდაც მწვავე, ეს არის მტრობა. გამოკითხვებს რომ ატარებენ, არის თუ არა ქვეყნის მტრობა ივანიშვილის კრიტიკა, ეს არის პოსტსაბჭოთა ჭაობისთვის დამახასიათებელი და ქვეყნისთვის საზიანო ამბავი. სულელურ და ბრიყვულ განცხადებებს ივანიშვილის „კლოუნებისგან“ მიჩვეული ვარ დიდი ხანია. ნეტა, მარტო ეს სიბრიყვეები იყოს პრობლემა, მაგრამ, სადაც იწყება საზოგადოების დაყოფა მტრებად, იმის გამო, რომ განსხვავებული აზრი აქვთ, ეს არის ქვეყნისთვის ზიანის მოტანა და ამ ყველაფერს წერტილი უნდა დავუსვათ, როდესაც ივანიშვილს დავამარცხებთ მშვიდობიან არჩევნებში“,- განაცხადა ბოკერიამ.