სამართალი

მცხეთის პოლიციაში ლევან ქუტაშვილისა და იოსებ პავლიაშვილის გამოკითხვა დასრულდა

მცხეთის პოლიციაში ლევან ქუტაშვილისა და იოსებ პავლიაშვილის გამოკითხვა დასრულდა.

ქუტაშვილმა და პავლიაშვილმა პოლიციის შენობა უკომენტაროდ დატოვეს.

მცხეთის პოლიციაში გამოკითხვის პროცესი დაახლოებით ორსაათნახევარს გაგრძელდა.

ლევან ქუტაშვილმა და იოსებ პავლიაშვილმა ოკუპირებული ახალგორი გუშინ დატოვეს.

ისინი მცხეთის პოლიციაში გამოკითხვაზე გუშინვე იმყოფებოდნენ. გუშინვე ისინი დევნილთა და განსახლების მინისტრს სოზარ სუბარს, სახელმწიფო მინისტრს შერიგებისა და სამოქალაქო თანასწორობის საკითხებში ქეთევან ციხელაშვილს, შინაგან საქმეთა მინისტრის პირველ მოადგილე კახაბერ საბანაძესა და სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე კახაბერ ქემოკლიძეს შეხვდნენ.

ცნობისათვის, სახელმწიფო უსაფრთხოების სამსახურის ინფორმაციით, 22 თებერვალს ოკუპირებული ცხინვალის წარმომადგენლებმა საქართველოს მოქალაქეები არჩილ ტატუნაშვილი,ლევან ქუტაშვილი და იოსებ პავლიაშვილი უკანონოდ დააკავეს.

არჩილ ტატუნაშვილი 23 თებერვალს ოკუპირებულ ქალაქ ცხინვალის საავადმყოფოში გაურკვეველ ვითარებაში გარდაიცვალა. ლევან ქუტაშვილი და იოსებ პავლიაშვილი ცხინვალის ე.წ. ციხიდან გაათავისუფლეს, თუმცა ამ დრომდე ოკუპირებულ ტერიტორიაზე იმყოფებოდნენ. ოკუპირებული ცხინვალის დე ფაქტო ხელისუფლება მათ ახალგორის დატოვების უფლებას არ აძლევდა.

ნინო ექვთიმიშვილი