პოლიტიკა

მთელი ქვეყნის მასშტაბით ხმების მიცემა შეწყდა

საქართველოს მასშტაბით გახსნილ საარჩევნო უბნებზე ხმის მიცემა შეწყდა. საარჩევნო უბნები კანონმდებლობის შესაბამისად, ზუსტად 20:00 საათზე დაიხურა.

აღსანიშნავია, რომ ხმის მიცემის პროცედურა გრძელდება საზღვარგარეთ მცხოვრები ქართველი ამომრჩევლებისთვის, რომლებსაც კანდიდატებისთვის ხმის მიცემა დღეს, 24:00 საათამდე შეეძლებათ.

არჩევნებისთვის 3 703 საარჩევნო უბანია შექმნილი, მათ შორის 55 საზღვარგარეთ, 11 კი გამონაკლის შემთხვევაში შექმნილი უბანია.

საქართველოს პრეზიდენტის არჩევნების მეორე ტურისთვის ამომრჩევლები ხმას აძლევდნენ იმავე საარჩევნო უბანზე, რომელიც მათთვის 28 ოქტომბრის არჩევნების პირველი ტურისთვის გაიხსნა და სადაც ამომრჩევლებმა უკვე მიიღეს კენჭისყრაში მონაწილეობა.

28 ნოემბრის არჩევნებში პრეზიდენტობის 2 კანდიდატი მონაწილეობს. ესენია: №5 გროგოლ ვაშაძე და №48 სალომე ზურაბიშვილი.

ამომრჩეველთა საერთო რაოდენობა 3 528 658 იყო.