პოლიტიკა

მთავრობის ახალ ინიციატივათა პაკეტი ადასტურებს ჩვენი ხელისუფლების სამშვიდობო კურსის ურყევობას - აფხაზეთის ავტონომიური რესპუბლიკის მთავრობა

აფხაზეთის ავტონომიური რესპუბლიკის მთავრობა მიესალმება საქართველოს მთავრობის მიერ წარმოდგენილ საკანონმდებლო ცვლილებათა პაკეტს, რომელიც მიმართულია ადმინისტრაციული გამყოფი ხაზის ორივე მხარეს მცხოვრები ჩვენი მოსახლეობის სოციალურ-ეკონომიკური მდგომარეობის გაუმჯობესებასა და კონტაქტების გაღრმავებაზე. ამის შესახებ განცხადებას ავრცელებს აფხაზეთის ა/რ მთავრობის პრესს-სამსახური.

„მთავრობის ახალ ინიციატივათა პაკეტი კიდევ ერთხელ ადასტურებს ჩვენი ხელისუფლების სამშვიდობო კურსის ურყევობასა და მდგრადობას.

მივესალმები ყველა იმ ინიციატივას, რომელიც მიმართულია ინტეგრაციისკენ და ოკუპირებულ ტერიტორიებზე შექმნილი მძიმე სოციალურ-ეკონომიკური მდგომარეობის გაჯანსაღებაზე. მიმაჩნია, რომ საქართველოს ტერიტორიული მთლიანობის, ჩვენთვის უპირველესი პრობლემის, გადაწყვეტის გზა ურთიერთმიტევებაზე, თანაცხოვრების ისტორიულ გამოცდილებაზე დაფუძვნებული ურთიერთობების აღდგენაზე, იდენტობის შენარჩუნება-განვითარებაზე, თითოეული მოქალაქის კეთილდღეობის მიღწევის გზების დასახვა-განხორციელებაზე გადის. საკანონმდებლო ინიციატივა ამ ისტორიული, სასიცოცხლოდ აუციელებელი ამოცანის გადაწყვეტის დაჩქარებას ემსახურება,“ - განაცხადა ვახტანგ ყოლბაიამ.