პოლიტიკა

მთავრობამ ფულის რაციონალურად გამოყენება უნდა ისწავლოს - „ნაციონალური მოძრაობის“ ახალი ინიციატივა პარლამენტს

დღეს „ნაციონალური მოძრაობა“ პარლამენტს ახალ საკანონმდებლო ინიციატივას წარუდგენს, რომელიც საქართველოს საბიუჯეტო კოდექსში ცვლილებების განხორციელებას ეხება.

ფრაქციის წინადადების თანახმად, ცვლილებები ითვალისწინებს საქართველოს პრეზიდენტისა და მთავრობის სარეზერვო ფონდების მოცულობის ზღვრული ოდენობის შემცირებას, სახელმწიფო ბიუჯეტის მოცულობის ერთ პროცენტამდე, რაც დღეს მოქმედი კანონით ორი პროცენტია.

ფრაქციის თავმჯდომარის, რომან გოცირიძის განმარტებით, მოქმედი კანონმდებლობით მთავრობა პარალმენტის გვერდის ავლით უამრავ თანხას ხარჯავს.

„ხდება ბიუჯეტიდან უამრავი თანხის ხარჯვა პარლამენტის გვერდის ავლით და ჩვენ გვინდა, რომ ეს ხვრელები ამოიგმანოს და ერთხელ და სამუდამოდ მთავრობამ ისწავლოს ფულის რაციონალურად გამოყენება“, -განაცხადა გოცირიძემ.