პოლიტიკა

მთავრობა აპირებს, რომ ნამდვილად გადადგას ნაბიჯები კონკურენციის შესაზღუდად და ავიაკომპანია Wizz Air-ის საზარალოდ - გიორგი კანდელაკი

ფრაქცია „ევროპული საქართველოს“ მდივნის, გიორგი კანდელაკის განცხადებით, ხელისუფლება აპირებს, გადადგას ნაბიჯები ავიაკომპანია Wizz Air-ის საზარალოდ.

კანდელაკმა მთავრობის მხრიდან Wizz Air-ის მიმართ კონკურენციის მიზნით განხორციელებულ შეზღუდვებზე ისაუბრა.

დეპუტატმა მოითხოვა, მთავრობამ ამ განზრახვისგან ხელი აიღოს.

„სულ რამდენიმე ხნის წინ ეკონომიკის მინისტრის მითითებით, გაჭიანურდა ავიაკომპანია Wizz Air-სთვის ზამთრის განრიგის დამტკიცება. შემდეგ ეს განრიგი დამტკიცდა და საკითხი გადაიდო არჩევნების შემდეგ და რამდენადაც ჩვენთვის ცნობილია, საქართველოს მთავრობა აპირებს, რომ ნამდვილად გადადგას ნაბიჯები კონკურენციის შესაზღუდად და ავიაკომპანია Wizz Air-ის საზარალოდ. ეს აეროპორტი არის, ასე ვთქვათ, ერთ-ერთი მაცოცხლებელი წყარო საქართველოს და კერძოდ, ქუთაისის ეკონომიკისა და ჩვენ მოვუწოდებთ საქართველოს მთავრობას, ჯერ კიდევ „ქართული ოცნება“ არის ხელისუფლებაში, რომ ხელი აიღონ ყოველგვარი მსგავსი განზრახვისგან“, - თქვა კანდელაკმა.