პოლიტიკა

მსმენია კონსტიტუციონალისტები ჯეფერსონი, ჰამილტონი, მაგრამ ესენი, ვინც ყოველდღე ტელევიზორში გამოდიან, არ გამიგია - გია ჟორჟოლიანი

„ქართული ოცნების“ წევრი გია ჟორჟოლიანი საქართველოს მოქალაქეებს საკონსტიტუციო ცვლილებებზე მომუშავე ჯგუფის მუშაობაში აქტიური მონაწილეობის მიღებისკენ მოუწოდებს.

როგორც ჟორჟოლიანმა პრესკონფერენციაზე აღნიშნა, განწყობა პრემიერისაც და უმრავლესობისაც არის ასეთი, რომ კომისია იყოს ფართო ჩართულობის საფუძველზე მოქმედი.

„მე მოვუწოდებ ჩვენს მოქალაქეებს, რომ აქტიურად მიიღონ მონაწილეობა კომისიის მუშაობაში, რადგან კონსტიტუცია არის პოლიტიკური დოკუმენტი და არ არის ექსპერტების, ბრჭყალებში ~კონსტიტუციონალისტების~.

მე მსმენია კონსტიტუციონალისტები ჯეფერსონი, ჰამილტონი, მაგრამ ესენი, ვინც ყოველდღე ტელევიზორში გამოდიან, არ გამიგია. კონსტიტუცია არის პოლიტიკური დოკუმენტი, ეს არის მოქალაქეთა ფართო კონსენსუსის საფუძველზე მიღებული დოკუმენტი და არა ისე, როგორც ნაციონალურმა მოძრაობამ მოირგო ის თავის დროზე”, -განაცხადა გია ჟორჟოლიანმა.

მონიკა დავლიანიძე