პოლიტიკა

მსჯელობა, თითქოს „მეფედრონი“ კლავს და სხვა სინთეტიკური ნარკოტიკი ან „ჰეროინი“ - არა, მხოლოდ ახალისებს ნარკოდანაშაულს - ნათია მეზვრიშვილი

შინაგან საქმეთა მინისტრის მოადგილე, ნათია მეზვრიშვილი გამოეხმაურა ბოლო დროს ნარკოტიკულ საშუალებებთან დაკავშირებულ ინფორმაციას. მისი თქმით, არსებული გამოწვევბის გამო ნარკოდანაშაულთან ბრძოლა კიდევ უფრო გამკაცრდება.

„გვსურს, გამოვეხმაუროთ ბოლო დღეების განმავლობაში ნარკოტიკულ საშუალებებთან დაკავშირებით გამოთქმულ მოსაზრებებს, რომ თითქოს არსებობს მავნე და არამავნე ნარკოტიკები, რომ თითქოს „მეფედრონი“ კლავს და სხვა სინთეტიკური ნარკოტიკი ან „ჰეროინი“ - არა. ამგვარი მსჯელობა, ისევე, როგორც დაუსრულებელი საუბრები ლიბერალიზაციაზე, მხოლოდ ახალისებს ნარკოდანაშაულს, ახდენს ნარკოტიკების პროპაგანდას და ხელს უშლის პრევენციას. შინაგან საქმეთა სამინისტროს ერთ-ერთი უმთავრესი პრიორიტეტია ნარკოდანაშაულთან ბრძოლა და ეს ბრძოლა დღევანდელი გამოწვევების ფონზე კიდევ უფრო გამკაცრდება“, - თქვა მეზვრისვილმა.

ბოლო ორი კვირის განმავლობაში 4 ახალგაზრდა დაიღუპა სავარაუდო ნარკოტიკული ინტოქსიკაციით. ზოგი ამას ნარკოტიკულ საშუალება „მეფედრონის“ გავრცელებას უკავშირებს.